دلوبغاړو په اړهلیګونه

شکیب الحسن ممبۍ اینډینز ته چیلینج ورکوي.

د بنګله دیش کرکټ ملي لوبډلې الراونډر «شکیب الحسن» چمتو دی چې د انډین پریمیر لیګ «ای پي ایل» سیالیو ته بېرته راستون شي، وروسته له هغه چې نوموړی په ۲۰۲۰م کال فصل کې د کرکټ نړیوالې شورا یو کلن بندیز له امله ونه لوبېده.

۳۴کلن الراونډر د خپل قرنطین موده پای ته رسولي او تمه کیږي چې د کلکتې نایټ رایډرز سره به راتلونکي رسمي سیالیو کې شتون ولري.

له شکیب الحسن د قرنطین پر مهال یو لړ پوښتنې وشوې، کله چې ترې وپوښتل شول د کوم ریکارډ ماتولو یا جوړولو هیله لرې؟

نوموړي یې په ځواب کې وویل چې غواړي په یوه لوبه کې سلیزه هم ترلاسه کړي او ترڅنګ یې ۵ ویکټې واخلي.

شکیب الحسن په ۲۰۱۴م کال کې د کلکتې لوبډلې سره مل و کله چې یادې لوبډلې د لومړي ځل لپاره د «ای پي ایل» لیګ اتلوالي د ګوتم ګمبیر په مشرۍ ترلاسه کړه، په دغه فصل کې شکیب الحسن د توپ وهنې برخه کې ۲۲۷ منډې او ۱۱ ویکټې ترلاسه کړې.

شکیب الحسن غواړي چې د ممبۍ انډینز پر وړاندې ننګونه «چیلینج» وکړي.

شکیب الحسن د روهیت شرما په مشرۍ داسې لوبډله ته چیلینج ورکوي چې پنځه ځله یې د یاد لیګ سرلیک ګټلی او د تېر ۲۰۲۰م کال فصل اتله لوبډله ده، کلکته به د اپریل په ۱۳مه نېټه د ممبۍ انډینز لوبډلې سره مخ شي چې شکیب الحسن د سلیزې ترڅنګ د پنځو ویکټو اخیستو چیلینج ورکوي، کلکته نایټ رایډرز به له ممبۍ انډینز وړاندې د اپریل په ۱۱ مه نېټه د حیدر اباد لوبډلې سره مخ کبږي.

شکیب الحسن د کلکتې تر څنګ په ۲۰۱۸ او ۲۰۱۹ کالونو کې د ین رایزرز حیدر اباد په ګټه هم لوبیدلی دی، نوموړي په ټولتال «۶۳» ای پي ایل سیالیو کې ۷۴۶ منډې او ۵۹ ویکټې تر لاسه کړي دي.

نور خان اشنا

خوست ولایت کې د افغان کریک انفو خبریال او د افغان کریک انفو د لوبو د لایف خپرولو مسؤل

ورته خبرونه

Back to top button
error: وبښه دغه نه کاپي کیږې