دلوبغاړو په اړه

سندېپ لامیچين په ویټالیټې بلاسټ سیالیو کې د لوبېدو تړون وکړ، خو له چاسره؟

په ویټالیټې بلاسټ شل اورېزو لوبو کې د نیپال کریکټ ټیم لیګ سپینر یا سوکه ورو توپ اچوونکي لوبغاړي سندېپ لامیچين له ویسټرشاېر لوبډلې سره د راتلونکي پړاو لپاره د لوبېدو تړون لاسلېک کړ، د نوموړي د تړون په اړه کاونټې کریکټ کلب هم رسمي اعلامیه خپره کړې ده.

د یادولو وړ ده چې سندېپ لامیچين تر دې دمه پورې د نیپال کریکټ ټیم لپاره ۱۰ نړیوالې یو ورځنۍ لوبې او ۲۱ نړیوالې شل اوريزې سیالۍ ترسره کړې دي. نوموړی یو له هغو لوبغاړو څخه دی چې د نړۍ په سطحه ډیری سوداګرېزو لیګونو کې لوبېدلی دی.

لامیچین تر اوسه پورې په هندوستان پریمیر لیګ ، پاکستان سوپر لیګ ، بیګ باش لیګ ، کیریبین پریمیر لیګ او نورو ډیری کریکټ ټورنامنټونو کې لوبېدلی دی.

له بلې خوا د ویسټرشاېر کریکټ کلب روزونکي الیکس ګیډ مین د ۲۰ کلن سندېپ لامیچین د اخیستو په تړاو خوښې ښودلې ده او ویې ویل، چې نوموړی به له دوی سره مرسته وکړې ترڅو غوره او په سمه توګه د ورو بالر تشه ډکه کړې.

محمد شبیر حسن زي

محمدشبیرحسن زي د چپرهار ولسوالۍ او د ننګرهار ولایت اوسېدونکی دی خپلي ژورنالېزم زده کړي یې په همیشه بهار راډیو تلویزون کې ترسره کړي او په سپورټ برخه کې له افغان کریک انفو سره دنده ترسره کوي.

ورته خبرونه

Back to top button
error: وبښه دغه نه کاپي کیږې