نړیوال کریکټ

د پاکستان لوبډلې لپاره ښه خبر

ټاکل شوې چې راتلوونکې میاشت پاکستان لوبډله له سویلي افریقا سره د لوبو لړۍ ولري خو مخکې داسې راپورونه خپاره شوي و چې د پاکستان لوبډلې ځینې لوبغاړو د کرونا مثبته ازموینه ورکړې ده.

خو اوس تازه د کریک بوز مشهورې ویب پاڼې خبر ورکړی دی چې د پاکستان د ټولو لوبغاړو د کرونا پایله منفي شوه.

کریک بوز لیکلي چې د پاکستان ټولو ۳۵ لوبغاړو د کرونا ازموینه منفي راغلې، دا د پاکستان لپاره ښه خبر دی او د مارچ په ۲۶ مه به سویلي افریقا ته سفر وکړي، یوه اونۍ وړاندې د یوه لوبغاړي ازموینه مثبته و خو اوس د ټولو نتیجه منفي ده.

ټاکل شوي چې د سویلي افریقا او پاکستان لوبډلو ترمنځ درې یو ورځنۍ او څلور شل اوریزې لوبې ترسره شي چې اپریل په دوهمه به پیل شي.

د معلوماتو له مخې یو ورځنۍ لوبې به د اپریل تر لسمې دوام وکړي او له هغې وروسته به شل اوریزې لوبې شروع شي.

ریحان الله ممتاز

ریحان ممتاز د لغمان ولایت مرکز اوسېدونکی دی، له ژورنالېزم پوهنځي فارغ او په هندوستان هېواد کې د ژورنالېزم په برخه کې د ماسټري زده کړې کوي. له موږ سره فعال ورزشي خبریال دی.

ورته خبرونه

Back to top button
error: وبښه دغه نه کاپي کیږې