مقالې

هندوستان او انګلیستان: شل اورېز سیرېز کې چا زیاتې منډې وکړې؟

د هندوستان او انګلیستان کریکټ ملي لوبډلو ترمنځ د شل اورېزو سیالیو سیرېز د کوربه هندوستان کریکټ ټیم په بریا سره پاېته ورسېده او انګلیستان کریکټ ملي لوبډلې په پنځمه او وروسته شل اورېزه سیالۍ کې له هندوستان کریکټ ټیم څخه د ۳۶ منډو په توپېر ماتې وخوړله.

خو په دې ځانګړې مقاله کې مونږ د هندوستان د کریکټ ټیم د بریا په اړه نه غږېږو، بلکې تاسو ته به هغه لوبغاړي در وپېژنو چې په دغه سیرېز کې یې تر ټولو زیاتې او سترې منډې د خپلې لوبډلې لپاره ترسره کړې دي، دا چې دا کوم لوبغاړي دي مقاله تر پایه پورې ولولئ.

لوبډلمشر کوهلي په دې لیسټ کې لومړی مقام لري او د سیرېز تر ټولو زیاتو منډو جوړونکی لوبغاړی دی. نوموړي د ۱۱۵.۵ اورېج په درلودلو سره ۲۳۱ منډې جوړې کړې او د سیرېز تر ټولو مخکښ منډي جوړونکی لوبغاړی شو.

په دوهم مقام کې بیا انګلیستانی پیاوړی توپ وهوونکی جوس بټلر دی. هغه بیا د ۴۳.۰۰ اورېج په لرلو سره دوهم مقام کې دی او د سیرېز دوهم مخکښ منډي جوړونکی لوبغاړی دی، نوموړي ۱۷۲ منډې جوړې کړې دي چې په دې توګه د سیرېز دوهم مخکښ منډي جوړونکی لوبغاړی دی.

همدغه راز په ترتیب سره درېم مقام کې ډوین مېلان دی چې د سیرېز درېم مخکښ منډې جوړونکی لوبغاړی دی. هغه د ۳۷.۰۰ اورېج په مرسته ۱۴۸ منډې وکړې. د دې ترڅنګ جېسن روی بیا ۱۴۴ منډې کړې دي او څلورم مقام کې قرار لري.

په پنځم نمبر کې د هندوستان کریکټ ملي لوبډلې پیاوړی لوبغاړی شیریاس ايیر قرار لري هغه بیا ۱۲۱ منډې جوړې کړې دي او د سیرېز پنځم مخکښ منډي جوړونکی لوبغاړی اعلان شو.

محمد شبیر حسن زي

محمدشبیرحسن زي د چپرهار ولسوالۍ او د ننګرهار ولایت اوسېدونکی دی خپلي ژورنالېزم زده کړي یې په همیشه بهار راډیو تلویزون کې ترسره کړي او په سپورټ برخه کې له افغان کریک انفو سره دنده ترسره کوي.

ورته خبرونه

Back to top button
error: وبښه دغه نه کاپي کیږې