ریکارډونه

هغه ټارګېټ «هدف» چې یوازې په څلور توپونه ترلاسه شو.

کرکټ کې یوه عامه اصطلاح ده چې کرکټ د چانس لوبه ده، دا دې تر څنګ په کرکټ کې ځینې حیرونکي پېښې هم رامنځته کیږي لکه تېره ورځ چې د هندوستان په کورني کرکټ کې ترسره شوه.

د هندوستان په کورنیو سیالیو کې چې د ښځینه وو ترمنځ یو ورځنۍ سیالۍ پیل دي ممبۍ لوبډلې په لسو ویکټو «نایګالینډ» لوبډلې ته ماتې ورکړه.

په سیالۍ کې نایګالینډ لوبډلې د ټاس «پچه» ګټلو وروسته د توپ وهنې پرېکړه وکړه چې د ټولو لوبغاړو سوځېدو په سر یې یوازې «۱۷» منډې جوړې کړې.

د ممبۍ لپاره نیمه چټکې توپ اچونکې او لوبډلمشرې «سیالي ساتګري» په ۸.۴ اورونو کې یوازې ۵ منډې ورکړې او ۷ لوبغاړې یې وسوځولې.
ممبۍ ټاکل شوی هدف یوازې په «۴» توپونو ترلاسه کړ چې مخالفه لوبډله یې په «۲۹۶» توپونو او لسو ویکټو ماته کړه.

نور خان اشنا

خوست ولایت کې د افغان کریک انفو خبریال او د افغان کریک انفو د لوبو د لایف خپرولو مسؤل

ورته خبرونه

Back to top button
error: وبښه دغه نه کاپي کیږې