دلوبغاړو په اړهنړیوال کریکټ

روس ټایلر لومړنی لوبغاړو سو چې د خپل هیواد لپاره یې ډیري لوبې ترسره کړې

د نیوزیلنډ د کرکټ ملې لوبډلې نامتو او تکړه توپوهونکی روس ټایلر د خپل هیواد لپاره د ۴۳۸ لوبو په کولو سره د نیوزیلنډ په تاریخ کې ډېرې لوبې کوونکی لوبغاړی وشمېرل شو.

۳۶ کلن روس ټایلر په ۲۰۰۶م کال کې له نیوزیلنډ ملې لوبډلې سره یوځای شو، چې له همغه راهیسي یې تر دې دمه پوري ۱۰۴ ټیسټ، ۲۳۲ یو ورځنۍ او ۱۰۲ بیا شل اوریز سیالۍ ترسره کړې دي.

ټایلر په ۱۰۴ ټیسټ لوبو کې تر دې دمه پوري ۷۲۸۵ منډي کړی، چې په یوه لوبه کې ښه توپوهنه د ۲۹۰ منډو ده، یاد لوبغاړی په دې فارمټ کې ۳۳ پنځوسیزي او ۱۹ یې بیا سلیزي ترسره کړي دي.

د دې ترڅنګ یې په ۲۳۲ نړیوالو یو ورځنیو لوبو کې ۸۵۷۴ منډي کړي دي، په یوه لوبه کې ډيري منډي ۱۸۱ دي، ټایلر په پنځوس اوریزه لوبو کې ۲۱ سیلزي او ۵۱ یې بیا پنځوسیزي بشپړي کړي دي.

او په ۱۰۲ شل اوریزه لوبو کې یې ۱۹۰۹ منډي کړي دي، چې په سیالۍ کې يې ښه توپوهنه د ۶۳ منډو ده، هغه د شل اوریزه لوبو په دې فارمټ کې ۷ پنځوسیزي وهلي دی، خو کومه سیلیزه یې نده ترسره کړې.

تر ده مخکې د نیوزلینډ لوبډلې لپاره ډيري لوبې ویټوري ترسره کړي وي، چې هغه د ۱۹۹۷ څخه بیا تر ۲۰۱۵م کال پوري ۴۳۷ سیالي کړي وي.

نسیم حمیدي

نسیم حمیدي په کندهار کې د افغان کریک اینفو خبریال

ورته خبرونه

Back to top button
error: وبښه دغه نه کاپي کیږې