نړیوال کریکټ

میلمنه لوبډله وایټ واش سول

اسټرالوۍ لوبډله د درو شل اوریزو او درو یوورځنیو لوبو لپاره سویلي افریقا ته تللي وه. چي دشل اوریزو لوبو لړۍ ۱-۲ اسټرالیا وګټل. ورپسي دیوورځنیو لوبو لړۍ راپیل سول چي ۰-۳ سویلي افریقا وګټل. لومړۍ لوبه سویلي افریقا په ۷۴ منډو، دوهمه په ۶ ویکټو او وروستۍ لوبه چي نن ترسره سول هم سویلي افریقا په ۶ ویکټو وګټل. دنن لوبي پچه سویلي افریقا وګټل او دتوپ اچوني پریکړه یي وکړل. اسټرالیا لوبډلي په پوره پنځوس اورونو کي د اوو لوبغاړو په دلاسه ورکولو سویلي افریقا ته ۲۵۵ منډي هدف وټاکه؛ چي لبسچګني ۱۰۸ او ارثي شارټ ۳۶ منډي جوړي کړي. سویلي افریقا ته نورتجي او سمتس ۲-۲ لوبغاړي وسوځول. افریقا لوبډلي دیاد هدف ترلاسه کولو لپاره ښه لوبه وکړل چي په ۴۵،۳ اورونو کي یي د څلورو لوبغاړو په دلاسه ورکولو هدف ترلاسه اولوبه یي په شپږو ویکټو وګټل. سویلي افریقا ته سمتس ۸۴، کلیزن ۶۸ ناسوځیدلي او ویرین ۵۰ منډي جوړي کړي. اسټرالیا ته هازلووډ ۲ لوبغاړي وسوځول. دلوبي غوره لوبغاړۍ سمتس او دسریز غوره لوبغاړۍ هینریچ کلیزن ونومول سو. دنن په لوبه کي میچل سټارک نه و ځکه هغه دښځینوو نړیوال جام پایلوبه کی دخپلي میرمني الیس هیلي دلوبي کتلو لپاره خپل هیواد ته ستون سوی او دسویلی افریقا توپ اچونکی تبریز شمسي هم نه و ځکه د هغه دمیرمني نن اولاد زیږیدلی و. پدي ماتي سره اسټرالیا لوبډله دسویلي افریقا په کور کي وایټ واش سول.

لعل خان ګوهر

لعل خان ګوهر پکتیکا ولایت یوسف خیل ولسوالی میست کلی اوسیدونکې دافغان کریک انفو بنسټګر

ورته خبرونه

Back to top button
error: وبښه دغه نه کاپي کیږې