نړیوال کریکټ

اسټرالیا په ۱۰ ویکیټو هند ته سترې ماتې ورکړه

د اسټرالیا کریکټ ملي لوبډلې هند کریکټ ملي لوبډلې ته په پنځوس اوریزه سیالۍ کې په ۱۰ ویکیټو سترې ماتې ورکړه د دغې لوبې پچه په پیل کې اسټرالیا کریکټ ملي لوبډلې وګټله او لومړۍ یې د توپ اچونې پریکړه وکړه.
هند کریکټ ملي لوبډلې په ټاکلو ۵۰ اورنو کې د ۱۰ لوبغاړو په سوځېدو سره ۲۵۵ منډې جوړي کړي، د هندۍ لوبډلې له لوري شیکر دوان ۷۴ او لوکیش راهول ۴۷ سترې منډي جوړي کړي. د اسټرالیا کریکټ ملي لوبډلې له لوري په توپ اچونه کې مېچل سټارک ۳، کېن ریچارډسن او پاټ کیمزن ۲-۲ همدغه راز ادم زمپا او اشټون اګر ۱-۱ لوبغاړی وسځوه.
د اسټرالیا کریکټ ملي لوبډلې د هندۍ لوبډلې ټاکل شوي هدف پرته د کومې ویکيټې سوځېدو بشپړ کړ او هند کریکټ ملي لوبډلې ته یې په لومړۍ یو ورځنۍ لوبه کې ماتې ورکړه، د اسټرالیا کریکټ ملي لوبډلې له لوري ډویډ وارنر ۱۲۸ ناسوځيدلې او آرون فېنچ ۱۱۰ ناسوځيدلې منډې وکړي.

محمد شبیر حسن زي

محمدشبیرحسن زي د چپرهار ولسوالۍ او د ننګرهار ولایت اوسېدونکی دی خپلي ژورنالېزم زده کړي یې په همیشه بهار راډیو تلویزون کې ترسره کړي او په سپورټ برخه کې له افغان کریک انفو سره دنده ترسره کوي.

ورته خبرونه

Back to top button
error: وبښه دغه نه کاپي کیږې