دلوبغاړو په اړه

راشد خان په کریکټ کی د نوي (بیټ) تجربه کړه

په لومړی ځل راشد خان په کریکټ کې داسې يو بېټ راوړاندې کړ، چې تر دې مخکې په کرکټ کې نه دى ليدل شوي
د معلوماتو تر مخه، راشد خان چې اوس مهال په اسټراليا کې د بيګ باش سياليو کې د اډلايډ سټرايکرز لوبډلې لپاره لوبېږي، د يکشنبې په ورځ د ميلبورن رينيګاډز پر وړاندې په لوبه کې هغه په يوه نوي بېټ باندې توپوهنه ترسره کړه، چې دا ډول بېټ تر دې مخکې په کرکټ کې نه دى ليدل شوي
د کرکټ اسټراليا وېبپاڼې دغه بېټ ته د (The Camel) نوم ورکړى دى، يعنې (اوښ بېټ). راشد خان په دغه (اوښ بېټ) باندې د ميلبورن رينيګاډز لوبډلې پر وړاندې توپوهنه ترسره کړه او ٢٥ منډې يې وکړې. هغه په دغه لوبه کې همدا راز ٢ لوبغاړي هم وسوځول و کمې منډې يې ورکړې، چې اډلايډ سټرايکرز لوبډله يې بريا ته ورسوله او د لوبې د غوره لوبغاړي جايزه يې هم ترلاسه کړه
که څه هم تر دې مهاله پورې دا نه دي ويل شوي، چې د (اوښ بېټ) تر شا اصل کيسه څه ده، خو ويل کېږي چې افغانان ډېر پخوا په اوښانو باندې اسټراليا ته تللي و، چې ښايي راشد خان د همدې لپاره دغه بېټ رامخې ته کړى و، تر څو د افغانانو او اسټراليا ترمنځ هغه پخوانۍ کيسې يو ځل بيا په اسټراليايانو کې رايادې کړی

لعل خان ګوهر

لعل خان ګوهر پکتیکا ولایت یوسف خیل ولسوالی میست کلی اوسیدونکې دافغان کریک انفو بنسټګر

ورته خبرونه

Back to top button
error: وبښه دغه نه کاپي کیږې