نړیوال کریکټ

هند په لومړۍ شل آوریزه لوبه کي ویسټ انډیز ته ماته ورکړ.

د هندوستان او ویسټ انډیز کرکیټ ملي لوبډلو ترمنځ د هندوستان په کوربتوب پرون جمعه د درو شل آوریزه سیالیو لړۍ پیل سوه، چي په لومړۍ لوبه کي هند په ۶ ویکیټو ویسټ انډیز ته ماته ورکړه.

په یاده لوبه کي لومړی ویسټ انډیز توپوهنه وکړه، ویسټ انډیز په ټاکلو شل آورونو کي د ۵ لوبغاړو په سوځېدو سره هندوستان ته د ۲۰۸ منډو هدف وټاکی.

د ویسټ انډیز لپاره هیتمایر ۵۶، ایون لیویز ۴۰، کیرون پولارډ ۳۷، برانډون کینګ ۳۷ او جیسن هولډر بیا ۲۱ منډي جوړي کړې.

د هند لپاره بیا په توپ اچونه کي د ویسټ انډیز ۲ لوبغاړي چاهال، خو سنډر، دیپک چاهار او جدیجا بیا یو ـ یو لوبغاړی وسوځاوه.

کله چي هندۍ لوبډله د توپوهني لپاره میدان ته کښته سوه د ویسټ انډیز له لوري ورکړل سوی هدف ئې د لوبي په ۱۸،۴ آورونو کي د ۴ لوبغاړو په سوځېدو سره پوره کړ.

د هند لپاره لوبډلمشر ویراټ کوهلي ۹۴ ناسوځېدلي، لوکیش راهول ۶۲ او ریشپ پنټ بیا ۱۸ منډي جوړي کړې.

د هند دوه لوبغاړي پیري، خو کوټریل او پولارډ بیا یو ـ یو لوبغاړي وسوځول.

د یادي لوبي غوره لوبغاړی د هند لوبډلي لوبډلمشر ویراټ کوهلي وټاکل سو، هغه د خپلي لوبډلي لپاره ۹۴ تیزي ناسوځېدلي منډي جوړي کړې.

هند او ویسټ انډیز لوبډلي به د لړۍ دوهمه شل آوریزه لوبه سبا یکشنبه ماښام ۶ بجې او درېیمه لوبه به بیا راتلونکې چهارشنبه پر عیني وخت ترسره کړي.

د یادو درو شل آوریزه سیالیو وروسته د هند او ویسټ انډیز کرکیټ ملي لوبډلو ترمنځ درې یو ورځنۍ لوبي هم د هند په کورتبوب ترسره کیږي.

د یادي لړۍ لومړۍ یو ورځنۍ لوبه د رواني ډیسمبر میاشتي په ۱۵مه، دوهمه په ۱۸مه او درېیمه یو ورځنۍ لوبه بیا د رواني ډيسمبر میاشتي په ۲۲مه نېټه ترسره کیږي.

لعل خان ګوهر

لعل خان ګوهر پکتیکا ولایت یوسف خیل ولسوالی میست کلی اوسیدونکې دافغان کریک انفو بنسټګر

ورته خبرونه

Back to top button
error: وبښه دغه نه کاپي کیږې